Sub Aqua Club Wiltz

Wëllkomm beim Sub Aqua Club Wiltz

Den Sub Aqua Club Wiltz Asbl gouf 1976 gegrënnt an besteet haut (2021) aus ronn 100 aktiv Memberen am Alter zwëschen 10 an 70 Joer. Den Veräin ass affiliéiert un FLASSA (Fédération luxembourgeoise des activités et sports sub-aquatiques) an domat och dem COSL. Den Sub Aqua Club Wiltz ass een vun 17 Sportsveräiner aus der Gemeng Woltz.

Den Veräin huet sech an sengen Statuten zum Ziel gesat Tauchen an Ennerwaassersportarten, an domat och d’Ënnerwaasserwelt méi bekannt ze maachen an domat och een Beitrag zum Ëmweltschutz ze leeschten. Tauchen ass ee flotten Sport deen jiddwereen no engem medezineschen Check kann ausüben. Alleguer eis Moniteuren sinn staatlech unerkannt (ENEPS) an schaffen benevole.

Bei eis ass jiddwereen wëllkomm! Et ass egal op dir bei eisen Moniteuren Tauchen wëllt leieren oder well een Brevet bei enger Organisatioun gemaach huet. (PADI, SSI, IAC, IANTD, SDI, TDI, BSAC )

Dir kennt den Sport mat ärer ganzer Famill ausüben, sief et bei eis am Veräin oder an äerer Vakanz. Tauchen ass keen Individualsport, bei eis gëtt den Teamgeescht, Kollegialitéit an géigensäitegen Respekt grouss geschriwwen.

Mir bidden eisen Clubmemberen:

• gratis Schnuppertauchen mat eisen Monteuren / Encadrants.
• Ausbildung no den weltwäit unerkannten Standard vun CMAS (Confédération Mondiale des Activités Subaquatiques).
• Regelméissegen Training iwwert den ganzen Wanter (Training mat Tauchfläsch an och Konditionstraining) an der Schwämm ze Woltz an Koetschette
• Kannertauchen fir Kanner ab 10 Joer
• Regelméisseg Tauchgäng am Stauséi (Lëltz, Ensber, Léifreg, Béiwen…)
• Regelméisseg Tauchgäng an der Groussregion
• Regelméisseg Veraïnsvakanzen
• Iwwert eis App kann een sech fir Aktiviteiten / Training anschréiwen
• Tauchmaterial waat mir eisen Memberen fir Ausbildung zur Verfügung stellen kënnen
• Kompressoranlag fir Pressloft (Bauer Poseidon 250 mat Pufferspeicheranlag) + Nitroxfëllungen (Stickmethode, Partialdrockmethod)