Assistant Instructor (SDI)
Bass Du passionéiert vum Tauchsport an wëlls deng Fäegkeeten op den nächsten „Level“ bréngen? Eisen Assistant Instructor Cours ass genau dat richtegt fir dech! Hei léiers Du, wéi een effektiv Tauchcoursen ofhält an Tauchschüler op hirem Wee zum zertifizéierten Taucher begleed. Ënner der Leedung vun eise qualifizéierten Instruktoren kriss Du eng grëndlech Ausbildung an Theorie an Praxis, déi dech optimal op deng Roll als Assistenzinstruktor virbereet.
Präis: op Ufro
just fir Verainsmemberen
(just als Internship)
Bedingungen:
- 18 Joer al sinn an een gültegt Attest vum Dokter
- SDI Divemaster (oder équivalent)
- Oxygen Provider + 1 Hellëf Cours
- seit mindestens 1 Joer am Club sinn, an 30 TG bei eis absolvéiert hunn.
- insgesamt mindest 100 TG
- Equipment op Pro Level (proppert Material, UptoDate an am perfekten Zoustand)
Oflaf vum Cours
- Theorie am Selbststudium + mindestens 1 -2 Owender fir den Review vun der Theorie
- 3 Präsentatiounen vun Theoriecoursen
- 2 Präsentatiounen am Waasser (Séi + Schwämm/Séi)
- Assistenz bei 4 Specialty Coursen
- Assistenz bei engem Rescue Cours
- Emfang Total: circa 70-80h Formatioun
Waat därf ech nom Cours maachen?
- autonom ofhalen vum kompletten SDI Schnorchel Cours
- Refresh Coursen
- Revisioun vun den Theoriecoursen mat den Kandidaten
- Assistenz vun engem Instruktor am Kader vun Coursen dei ech selwer och hun
- Supvervision an Durchfeirung vun geféierten Tauchgäng
- Ofhalen vun verschiddenen Specialtys, nodeems ech hei dran Training vun engem Course Director kruut
- Advanced Diver Certification
Den detailléierten Oflaf fannt dir an den SDI Standarts hei drenner:
Umellung fir des Formatioun
Umellung fir eisen Cours iwwert den QR Code oder den Button hei niewendrun. D’Umellung get definitiv mam Virement + Registratioun/Ofgin vun den Formulairen hei drenner bei ärem Moniteur.
He drënner fannt dir Dokumenter dei dir fir dei definitiv Umellung ausgefëllt ärem Moniteur musst ofgin oder eis eranmailen musst: (Mir kennen awer och gären virum 1ten Cour zesummen driwwer kucken an alles durchgoen)
Feedback zu eisen Formatiounen
Op desen Plazen kennt dir eis Feedback zu den Formatiounen ginn, resp. Iech ukucken wei den Feedback vun den Kandidaten virdrun war.