Hei fannt dir den Iwwerbleck iwwert alleguer d’Tauchbrevet dei mir am Verain ubidden. Mir kennen vum Ufänger iwwert technësch Tauchen bis zum Instruktor all Formatiounen ubidden. Eist Zil ass et, Tauchen fir jiddereen zougänglech a sécher ze maachen – onofhängeg vum Alter oder Erfarungsniveau. Mir bidden eng breet Palette un Tauchcoursen vun renomméierten Tauchverbänn un.
CMAS a SDI – D’Basis fir Äert Ausbildung
Mir proposéieren Open Water Diver Coursen ënnert CMAS (Confédération Mondiale des Activités Subaquatiques) an SDI (Scuba Diving International). CMAS ass bekannt fir säi staarken, techneschen Ubau, wärend SDI eng praktesch a modern Approche vun der Tauchausbildung bitt. Mat dëse Basis-Zertifikater léiert Dir alles, wat Dir braucht fir Är éischt Tauchgänge mat Vertrauen unzegoen.
Ab 10 Joer kennen d’Kanner an eiser Kannertauchsektioun matmaachen. Mirr trainéiren an der Schwämm ze Kietscht, organiséiren Ausflich an Indoortauchzentren an am Summer kennen d’Kanner eis am Stauséi bei den Tauchgäng begleeden. D’Coursen sin esou opgebaut, dass d’Exercicer spillerisch vermettelt ginn.
Ab 13/14 Joer kennen d’Kanner dann an eiser Jugendsektioun bis zum Alter vun 18 Joer, ennert Gleichaltregen dem flotten Hobby nogoen. Sie gin hei encadréiert vun eiser super Equipe vun Instruktoren an erfahrenen Taucher an kennen hei och hir Brevet bis zum autonomen Taucher man.
Technescht Tauchen mat TDI
Fir déi, déi méi wëlle entdecken an sech nei Erausfuerderunge stellen, bidde mir och Coursen mat TDI (Technical Diving International). Mir bidden TDI Coursen vum Ufängerbereich un. (Nitrox, Advanced Nitrox and Intro To Tech) bis zum Decompression Procedures un fir Basis vum Technëschen Tauchen ze léiren. Fir weidergehend Formatiounen ewei Trimix, Rebreather, Höhlentauchen asw, kennen mir iech dank eisem gudden Netzwierk un TDI Instruktoren gären virunvermettelen.
Sécherheet un éischter Stell mat DAN an First Response International
Tauchsécherheet ass e fundamentale Bestanddeel vun eiser Ausbildung. Mir schaffen mat Divers Alert Network (DAN) a First Response Training International (FRTI) fir sécherzestellen, datt all eis Taucher mat wesentleche Sécherheetsfäegkeete fir den Noutfall equipéiert sinn. Vu Grondkenntnesser an Erster Hëllef bis zu speziellesche Rettungsfäegkeeten am Waasser suergen dës Coursen dofir, datt eis Taucher op all Situatioun gutt virbereet sinn.
Fräiwëlleg Tauchinstruktoren vs professionell Tauchschoulen
De Sub Aqua Club Wiltz ënnerscheet sech als Verain vun aneren Taucschoulen duerch seng fräiwëlleg Tauchinstruktoren, déi hiert Wësse mat grousser Begeeschterung a Passioun vermëttelen. Mir si keng kommerziell Tauchschoul, mä en Tauchveräin, wou all Instruktor op fräiwëlleger Basis schafft. Dat bedeit, datt mir de Fokus op déi individuell Erfarung a Freed um Tauchen leeën, amplaz vum Profit. An dëser Gemeinschaftsapproche schaffe mir zesummen, fir jiddwerengem d’Méiglechkeet ze ginn, Tauchen ze erliewen an dobäi dei beschten Ausbildung ze bidden. Mir stellen Gemeinschaft an den Fokus, mir als Verain probéiren durch vill aner Aktivitéiten d’Käschten fir Memberen niddreg ze haalen, an d’Onkäschten vun eisen Instruktoren ze decken (Assurancen, Affilatioun, Formation Continue, …)
Kommt an eis Tauchschoul a entdeckt d’Wonner vun der Ënnerwaasserwelt mat eisem Club! Egal op Dir just ufänkt oder schonn Erfarung hutt – mir hunn de richtegen Cours fir Iech.
Den Prais vum Brevet ass jeweils fir Onkäschten vun der Formatioun ofzedecken an et ass keng Garantie een Brevet ze kreien. Fir all Brevet ginn et international Standarts dei mussen erfëllt ginn an fir dei een trainéiren muss.
Eis Ausbildungen ginn vun enger ganzer Equipp vun Moniteuren / Encadrant durchgefouert. (LINK) Mir halen drop, dass eis Moniteuren/Encadrant niewend den Formatiounen och regelméisseg selwer tauchen an sech fit haalen, an mir förderen permanent d’Weiderbildung vun eiser Equipe. Froot ären Moniteur emol weini en seng letzten Weiderbildung gemeet huet, bei eis bilden Moniteuren sech alleguer selwer mindestens 1 x pro Joer selwer weider.
Pro an Contra vun der Ausbildung am Verain vs kommerziell Struktur (Um Beispill Open Water Cours)
Aubildung am Verain
Dauer:
ca. 10 Wochen, emmer Donnesdegs
Am Februar fänken mir relax an der Schwämm un, maachen eis 3-4 Owender Tauchtheorie, an hunn genuch Zait Übungen oft genuch ze traineiren, bis mir am Mee an den Stauséi gin, wou während 5-6 TG alleguer Übungen eng Kéier wiederholl ginn.
Ausbildung an der Vakanz
Dauer:
Kompakt 4-5 Deeg
Des Deeg gin natiirlech vun der Vakanz of, hei muss Theorie gemeet ginn, an dei obligatorisch TG, heescht all Dag 1-2 Tauchgäng mat allen Übungen.
Ausbildungsgewässer:
hei sin mir kloer am Nodeel, mir man eis Ausbildung am Stauséi oder engem Séi an der Geigend. Et ass mei kaal 10-20 Grad, heiansdo schlecht Siicht.
Den Virdeel ass, wann een hei Ausbildung mecht, get een iwwerall op der Welt eenz.
Witterung:
z.B. Ägypten, Wasser 17 bis 26 Grad, Sichtweiten bis zu 40 m. Perfekten Bedingungen,
Mee, wei ass et wanns du dono doheem tauchen wells? Fills du dech dann secher am Stauséi?
Ausbildung:
Am Verein hunn mir mei Moniteuren an Encadrant dei dir mat Begeschterung Tauchen beibrengen wellen. Niewend den normalen Exercicer (Skill) kriss du awer och vill Tipps aus jorenlanger Erfahrung mat op den Wee.
Ausbildung:
An den kommerziellen Strukturen geet et drems den Brevet schnell ofzeschleissen, Pflichtübgungen ze maachen an dono gesin Moniteuren weder dech erem, resp emgedreint.
Tauchen no der Ausbildung:
Deng Moniteuren / Encadrant ginn herno och dei Taucher mat deenen du Tauchen geess an sie kennen dir flott Platzen weisen. Eis 130 Memberen aus dem Club sin och potentiell Buddys fier niewend den offiziellen Clubstauchgäng nach méi ze tauchen.
Tauchen no der Ausbildung
Entweder tauchs du herno just an der Vakanz all Joer op enger anerer Tauchbasis oder sichs du eventuell awer een Verain an der Geigend fir gleichgesinnter ze fannen an dei flott Ennerwaasserwelt gemeinsam ze entdecken?
Preis: 150€ zzg Cotisation Verein (80 €) = 230 €
Den Preisënnerscheed erklärt sech doduerch, dass all eis Moniteuren bénévole an niewenberufflich engagéiert sinn. D’Coursen sin während eisen normalen Verainstrainingen dei am Kalenner ausgeschriwwen sinn. Dofir sin mir am Verain fir eis eegenen Finanzement zoustänneg an mussen eis Keess mat aneren Aktivitéiten opfëllen. Als Verain wellen mir jidderengem Meiglechkeet ginn, den Tauchsport auszeüben ouni finaniell Hürden. Dofir erwarden mir vun eisen Memberen Participatioun un desen Aktiviéiten fir eng staark Gemeinschaft ze bilden!
Preis: ca. 800-1100 €
Eng Tauchschoul huet Instruktoren dei haaptberufflich schaffen an och dovun liewen mussen. Dofir sinn sie flexibel an kennen Iech quasi all Dag Daten fir ee Cours ubidden.